Tuesday, May 17, 2016

ಎಚ್ಚರಿಕೆ

ನನ್ನೊಳು ಇರಬಹುದಾದ
ಅಲ್ಪಸ್ವಲ್ಪ ಧೈರ್ಯವೆಲ್ಲವ ಒಗ್ಗೂಡಿಸಿ
ನನ್ನವಳ
ಮೆಲ್ಲನೆ ಮುಟ್ಟಲೇನೇ.... ಎಂದೆ
ಅವಳ ಮೋಹಕ ನಗೆಗೆ ಕರಗಿ,
ಮತ್ತಷ್ಟು ಉತ್ತೇಜಿತನಾಗಿ
ಅವಳ ಮೊಬೈಲ್ ಹಿಡಿದು
ಪಾಸ್ವರ್ಡ ಹೇಳೆ ? ಚಿನ್ನಾ... ಎಂದೆ
ಅದು ಎಲ್ಲಿತ್ತೋ ಅವಳಿಗೆ ಕೋಪ
ದಿಗ್ಗನೆ ಮೇಲೆದ್ದು, ಹ್ಞೂಂಕರಿಸಿ
ಮುಟ್ಟಿದರೆ ನಿಮ್ಮ ಕೈ ಬೆರಳುಗಳು
ಒಂದೂ ಉಳಿಯದು ಎಚ್ಚರಿಕೆ ಎನ್ನಬೇಕೆ !
ಶಿವಚೆನ್ನ ೧೭.೦೫.೧೬ 

ಲವಲವಿಕೆಯ ತುತ್ತು

ನಾನೇನೂ
ಬೇಡಲೂ ಇಲ್ಲ,
ಕಾಡಲೂ ಇಲ್ಲ
ನನ್ನವಳ " ಮುತ್ತು "
ಆದರೂ ಬೇಕಿತ್ತು;
'ಬರ'ಗೆಟ್ಟ ಮನಸ್ಸಿಗೆ
ಲವಲವಿಕೆಯ ತುತ್ತು
ಶಿವಚೆನ್ನ