ನಿನ್ನ ಕ್ಷಮೆ ಕೇಳಲೂ ನಾ ಅರ್ಹನಲ್ಲ

ನಿನ್ನದಲ್ಲದ ನನ್ನ ತಪ್ಪಿಗೆ
ಶಿಕ್ಷೆಯಾಗಿದ್ದು ನಿನಗೆ ಮಾತ್ರ
ಇಂದಿಗೂ ನನ್ನಿಂದ ಅರಗಿಸಿಕೊಳ್ಳಲಾಗುತ್ತಿಲ್ಲ
ಅಂದು ಆ ನಿನ್ನ ನಿಟ್ಟುಸಿರಿನ ನೋಟದಲ್ಲಿ
ಅದೆಷ್ಟು ನೋವು ತುಂಬಿತ್ತೋ...
ನೀ ನನ್ನ ಮರೆಯುವಷ್ಟು ದಿನ,
ಹಗಲು,ರಾತ್ರಿ ಅದೆಷ್ಟು ನೀ ಅತ್ತಿರಬೇಕು
ಓಡಿಹೋದ ರಣಹೇಡಿ
ನಾಚಿಕೆಯಾಗಬೇಕು ನನ್ನೀ ಜನ್ಮಕ್ಕೆ
ಮನಸಾರೆ ಹಿಡಿ ಶಾಪ ಹಾಕಿಬಿಡು
ಅಷ್ಟೂ ಶಾಪ ತಟ್ಟನೆ ತಟ್ಟಿಬಿಡಲಿ
ಎಲ್ಲರೆದಿರೂ ನಗೆಯ ಮುಖವಾಡ ಧರಿಸಿ
ಓಡಾಡುತ್ತಿರುವ ನಯವಂಚಕ ನಾನು