ಅಮ್ಮಾವರ ಗಂಡ

ಒಮ್ಮೆ ನನ್ನವಳು,
ಮಕ್ಕಳ ಮುಂದೆಯೇ
ನನ್ನ ಜೊತೆ ಜಗಳಕ್ಕೆ ನಿಂತದ್ದು ಕಂಡು
ಜೋರು ಧ್ವನಿಯಲ್ಲಿಯೆ
ಈ ಊರಲ್ಲಿ ನನಗೆ ಇನ್ನೊಂದ್ ಹೆಸರಿದೆ
ನಿನಗೆ ಗೊತ್ತೇನೇ..... ?
ಯಾರೂ.... ನನ್ನ ಎದುರಿಗೆ ಬರುವುದಿರಲಿ
ತಲೆ ಹೊರ ಹಾಕಿ ನನ್ನ ನೋಡಲಾರರು
ನಿಂತಲ್ಲಿಯೇ ಒಂದು, ಎರಡು ಶುರು
ಅಂತಹದರಲ್ಲಿ ಅದು ಹೋಗಿ ಹೋಗಿ ನೀನು
ನನ್ನ ಮುಂದೆ ಹೀಗೆ ಬಾಲ ಬಿಚ್ಚುವುದೆ ?
ಹ್ಞೂಂಕರಿಸಿದ್ದಕ್ಕೆ ಹೆದರಿ, ಬೆದರಿ
ಒಳ ಹೋದಳೆಂದು ಕೊಂಡರೆ
ಲಟ್ಟಣಿಗೆಯ ಝಳಪಿಸುತ ಬಂದು
ಏನಂದ್ರಿ ನೀವು ? ಇನ್ನೊಂದು ಹೆಸರೇ..... ನಿಮಗೆ !?
ಏನದು ? ಹೇಳಿದರೆ ಸರಿ ಇಲ್ಲವಾದರೆ ಗೊತ್ತಲ್ಲ
ಹೋದ ಬಾರಿ ಮೊಟಕಿದ್ದು ನೆನಸಿಕೊಂಡು
ಆ ನೋವಿನ ಭಯಕೆ ಬಾಯ್ತಪ್ಪಿ ನಿಜ ಹೊರ ಬಿದ್ದಿತ್ತು
" ಅಮ್ಮಾವರ_ಗಂಡ " ಕಾಣೆ