ನನ್ನವಳ ಖುಷಿಗೆ
ಕಾರಣ ಏನೆಂದು ಗೊತ್ತಾಗದೆ,
ನಾನಿಲ್ಲಿ ಒದ್ದಾಡುತ್ತಿದ್ದರೆ
ಒಬ್ಬರಾದರು ಬಾಯಿ ಬಿಡಬಾರದಿತ್ತೆ
ಇಂದು ವಿಶೇಷವೇನಿರಬಹುದು ?
ಜನುಮ ದಿನ, ವಾರ್ಷಿಕೋತ್ಸವ
ಹಾಳಾದ್ದು ಒಂದೂ ನೆನಪಿಗೆ ಬರದೆ
ನೆನಪುಗಳು ಇಂದೇ ಮುಷ್ಕರ ಹೂಡಬೇಕಿತ್ತೆ ;
ಎಲ್ಲವೂ... ಗೊಜಲು ಗೊಜಲು
ಏನೆಂದು ಅವಳ ಕೇಳಲಿ ?
ಕೇಳಲೂ ಏಕೋ ಸಂಕೋಚ
ನನ್ನೊಳಗಿನ ಭಯಕೆ ಹೆದರಿ
ಗೊಂದಲದಲ್ಲಿದ್ದ ನನ್ನೆಡೆಗೆ ಒಮ್ಮೆ ನೋಡಿ
ಕಣ್ಣು ಮಿಟುಕಿಸಿ, ಹಾಗೆ ಹೋದವಳ ಬಿಡದೆ
ಸೊಂಟ ಬಳಸಿ ಬಿಡಬೇಕಿತ್ತು
ಆಗಲಾದರು ನಿಜ ಹೇಳುತ್ತಿದ್ದಳೇನೋ...
No comments:
Post a Comment