ಮುಷ್ಕರ

ನನ್ನವಳ ಖುಷಿಗೆ 

ಕಾರಣ ಏನೆಂದು ಗೊತ್ತಾಗದೆ,

ನಾನಿಲ್ಲಿ ಒದ್ದಾಡುತ್ತಿದ್ದರೆ

ಒಬ್ಬರಾದರು ಬಾಯಿ ಬಿಡಬಾರದಿತ್ತೆ

ಇಂದು ವಿಶೇಷವೇನಿರಬಹುದು ? 

ಜನುಮ ದಿನ, ಮದುವೆ ವಾರ್ಷಿಕೋತ್ಸವ 

ಅಲ್ಲವೇ... ಅಲ್ಲ

ಹಾಳಾದ್ದು ಒಂದೂ ನೆನಪಿಗೆ ಬರದೆ

ನೆನಪುಗಳು ಮಂಡಿಯೂರಿ 

ಇಂದೇ ಮುಷ್ಕರ ಹೂಡಬೇಕಿತ್ತೆ ;

ಎಲ್ಲವೂ... ಗೊಜಲು ಗೊಜಲು 

ಏನೆಂದು ನನ್ನವಳ ಕೇಳಲಿ ?

ಕೇಳಲೂ ಏಕೋ ಸಂಕೋಚ  

ನನ್ನೊಳಗಿನ ಭಯಕೆ ಹೆದರಿ

ಗೊಂದಲದಲ್ಲಿದ್ದ ನನ್ನೆಡೆಗೆ ಒಮ್ಮೆ ನೋಡಿ 

ಕಣ್ಣು ಮಿಟುಕಿಸಿ, ಹಾಗೆ ಹೋದವಳ ಬಿಡದೆ 

ಸೊಂಟ ಬಳಸಿ ಬಿಡಬೇಕಿತ್ತು

ಆಗಲಾದರು ನಿಜ ಹೇಳುತ್ತಿದ್ದಳೇನೋ...