ಈ ಪ್ರೀತಿ ಒಂಥರಾ ಕಚಗುಳಿ

ನೀ ಮೊದಲಿನಂತೆ
ಈಗಿಲ್ಲ ಬಿಡು ನಲ್ಲೇ
ನಾನೆಂದರೆ ನಿನಗೆ
ಎಣೆಯಿಲ್ಲದಾ ಪ್ರೀತಿ,
ನನ್ನ ಬಿಟ್ಟಿರಲಾರದಷ್ಟು
ಅಧಮ್ಯ ಸ್ನೇಹ ಸೆಳೆತ !
ಒಂದು ಕ್ಷಣ, ಸಿಗಲಿಲ್ಲವೆಂದರೆ
ನಿನಗೆಂತಾ ಕೋಪ, ಆವೇಶ
ಅಬ್ಬಬ್ಬಾ, ನಿನ್ನ ಸಂತೈಸಿ
ಸಮಾಧಾನಿಸಿ; ಹೂಮುತ್ತಿಟ್ಟರಷ್ಟೇ
ನಿನಗೂ ನೆಮ್ಮದಿ, ನನಗೂ ನಿರಾಳ
ಕದ್ದೂ ಮುಚ್ಚಿ ಗಂಟೆಗಟ್ಟಲೆ
ಕಾದರೂ ವ್ಯರ್ಥವಾಗುತ್ತಿರಲಿಲ್ಲ
ನಿನ್ನ ಸವಿ ಅದರಗಳಿಗಷ್ಟೆ
ಮೀಸಲು ನಮ್ಮಿಬ್ಬರ ಸಮ್ಮಿಲನ !
ನನ್ನ ಮದುವೆಯಾದ ಮೇಲಂತೂ,
ಬಲು ಅಪರೂಪ ನೀ
ಸಿಗುವುದು ರಾತ್ರಿಗಷ್ಟೆ;
ನಿನ್ನ ನಾ ಬಳಿ ಕರೆದರೂ
ಹೊತ್ತು ಗೊತ್ತಿಲ್ಲವೇ ನಿಮಗೆ
ಅಮ್ಮ ಬಂದರೆಂಬ ನಾಚಿಕೆಯ
ಜಾರಿಕೆಯ, ಸಹನೆಯ ಉತ್ತರ !