ಸಾವಿತ್ರಿ

ಮುಚ್ಚಿಡುವಂತಹದ್ದೇನಿಲ್ಲ
ಮಗ್ಗುಲ ಮುಳ್ಳಾಗಿ ಮನವ
ಸದಾ ಚುಚ್ಚುತ್ತಿರುವ
ನನ್ನೆಲ್ಲಾ ನೋವುಗಳ
ಬಿಚ್ಚಿಡುತ್ತಿರುವೆ;
ಒಂದಷ್ಟು ನಿಮ್ಮ ಮನಸ್ಸಿಗೆ
ನೋವಾದರೆ ಅದು ಕೇವಲ
ನನ್ನ ಕರ್ಮದ ಕಾಕತಾಳೀಯ !

ನಿಮ್ಮಂತೆಯೇ ನಾನೂ ಹೆಣ್ಣೆ
ನನಗೂ ನೂರಾರು ಕನಸಿದೆ,
ವಯಸ್ಸಿಗೆ ಮೀರಿದ ಅಂದವಿದೆ
ಮದುವೆಯ ಹೊಸ್ತಿಲಲ್ಲಿ ಬಂದು
ನಿಂತರೂ, ವಿಧಿಗೆ ಸಮ್ಮತಿಯಿಲ್ಲ
ನಿಶ್ಚಿತಾರದ ದಿನವೇ ಕೈಹಿಡಿವವನ
ಕಾಳ ಸರ್ಪದ ವಿಷ ಜ್ವಾಲೆಗೆ
ಸಿಕ್ಕಿ ಸತ್ತಾಗ, ನನ್ನ ಕಾಲ್ಗುಣವ
ಹಳಿದ ವರೆಷ್ಟೋ; ಮೂದಲಿಸಿದವರೆಷ್ಟೋ!
ಒಂದೇ ಎರಡೇ, ಹತ್ತಾರು ಲಗ್ನಗಳು
ಕೂಡಿ ಬಂದಿದ್ದರೂ, ವಿಘ್ನಗಳೇ ಹೆಚ್ಚು