ಸಹಬಾಳ್ವೆ ( ಲಿವಿಂಗ್ ಟುಗೇದರ್ ) ಭಾಗ - ೧

ಅವಸರ ಏನಿಲ್ಲಾ 
ಬಿಡು ನೀ ಗೆಳತಿ
ಒಂದಷ್ಟು ದಿನ
ಹೀಗೆಯೇ, ಆನಂದದಿ
ಸಂತೋಷವ ಅನುಭವಿಸಿ
ಕಾಲವ ಕಳೆಯೋಣ
ಸತಿ ಪತಿಗಳಂತೆಯೇ;
ಈ ಮದುವೆ ಸಂಪ್ರದಾಯ
ಆಚರಣೆಗಳೆಲ್ಲಾ ಕೇವಲ
ನಮಗಾಗಿ ಮಾಡಿಕೊಂಡಿದ್ದು
ಹೇಗೂ ಜೊತೆ ಜೊತೆಗೆ
ಒಂದೇ ಗೂಡಿನಲ್ಲಿರುವಾಗ
ಚಪ್ಪರ, ಮಾಂಗಲ್ಯಧಾರಣೆ
ವರದಕ್ಷಿಣೆ; ವರೋಪಚಾರ
ಇವೆಲ್ಲವೂ ಈ ಕಾಲಕೆ ಬೇಕೆ!
ಮುಂದೊಂದು ದಿನ
ನಮಗೆ ಬೇಕೆನಿಸಿದಾಗ,
ಶಾತ್ರೋಕ್ತವಾಗಿ
ಗುರು ಹಿರಿಯರ ಸಮ್ಮುಖದಲ್ಲಿ
ಭರ್ಜರಿಯಾಗಿ ಮದುವೆಯ
ಮಾಡಿಕೊಂಡರಾಯಿತು;
ನನ್ನ ಮೇಲೆ ನಿನಗೆ ನಂಬಿಕೆ
ನಿನ್ನ ಮೇಲೆ ನನಗೆ ನಂಬಿಕೆ
ಇರುವವರೆಗೂ ನಾವಿಬ್ಬರೂ
ಸುರಕ್ಷಿತ, ದಾಂಪತ್ಯ ಅನವರತ !