Sunday, January 19, 2014

ನನ್ನವಳು - ೨

ನನ್ನವಳು ನನ್ನೆದೆಯಾ
ಬಾಳಂಗಳವ ಬೆಳಗೋ
ಹುಣ್ಣಿಮೆಯ ಮೊಗದವಳು
ಬಿರಿದ ಕೆಂದಾವರೆಯ,
ಜಿನುಗೊ ಜೇನ್ದುಟಿ
ಹೊಳೆಹೊಳೆವ ಕಣ್ಣವಳು
ಬಳುಕುವಾ ಎಳೆ ಬಳ್ಳಿಯಾ
ಸುಮ ಹೊತ್ತು ಬರುವ
ತಂಗಾಳಿಯ ಮೈಯವಳು !

ಎಂದಾದರು ಒಮ್ಮೊಮ್ಮೆ
ನಾನವಳ ರೇಗಿಸಲು
ಹುಸಿ ಮುನಿಸು ಬೀರುತ
ಮುನಿದು ಮಲಗಿದವಳ
ರಮಿಸಿ,ಒಲಿಸಿ ಕೊಳ್ಳುವುದು
ಹೇಗೆಂಬುದ ನಾನು ಬಲ್ಲೆ;
ಮುಂಗುರುಳ ನೆವರಿಸಿ
ಮುನಿದವಳ ಹಣೆಗೊಂದು
ಸಿಹಿ ಹೂ ಮುತ್ತನಿತ್ತರೆ
ಕೊರಳ ತಬ್ಬಿಡಿದು
ನನ್ನೆದೆಗೆ ಮೆಲ್ಲನೆ ಗುದ್ದಿ
ಕಣ್ಣರಳಿಸಿ ನಗು ನಗುತ
ನನ್ನೊಳು ಒಂದಾಗುವಳೂ !

No comments:

Post a Comment