" ಪಯಣ "

ಮನಸ್ಸು ಮರ್ಕಟವಿದ್ದಂತೆ
ಎತ್ತ ಬಿಟ್ಟರತ್ತ ಹೊರಳಿ, ಉರುಳಿ
ಎತ್ತೆತ್ತಲೋ .... ಆಂಡಲೆವ
ದೊಂಬರಾಟದ ಬದುಕು ;
ಅದು ಸರಿಯೋ.... ತಪ್ಪೋ....
ತರ್ಕಗಳ ತಾಕಲಾಟಗಳಲ್ಲಿ
ಗಳಿಸಿದ್ದೆಷ್ಟೋ.... ಕಳೆದದ್ದೆಷ್ಟೋ....
ಲೆಕ್ಕಕ್ಕೆ ಸಿಲುಕದ, ನಿಲುಕದ ಅದೆಷ್ಟೋ
ಬಿದ್ದೆದ್ದು ನಿಲ್ಲುವ ಹಠಮಾರಿತನದ ಸೊಲ್ಲು;
ಜನರ ಗುದ್ದಾಟಗಳ ನಡುನಡುವೆ
ಪ್ರೀತಿ ನಂಬಿಕೆ, ವಿಶ್ವಾಸ ದ್ರೋಹಗಳ
ಜ್ಞಾನದ ಮೂಸೆಯೊಳಗೆ ಕರಗಿ, ಬೆಂದೆದ್ದು
ಮನದ ನೋವು ನಲಿವುಗಳ ಜೋಕಾಲಿಯಲಿ
ದುಃಖ ದುಮ್ಮಾನ , ಸನ್ಮಾನಗಳ ತೆರೆಯ ಸರಿಸಿ
ಸಾಗಿದೆ ನಿತ್ಯ ನಿರಂತರ ನಿಲ್ಲದ ಬಾಳ ಪಯಣ....