" ನೀವು ಪೊಲೀಸ್ಸೇ ".....!!

ಏನಾಯಿತೇ.... ಮಾರಾಯ್ತಿ, ತರಕಾರಿ ತರದೆ
ಇಷ್ಟೊಂದು ಗಾಭರಿಯಿಂದ ಬರುತ್ತಿರುವೆ...?!
ನಾಯಿ ಏನಾದರು ಅಟ್ಟಿಸಿಕೊಂಡು ಬಂತೆ
ಅಥವಾ ಇನ್ನೇನಾದರು ಕಂಡು ಭಯಪಟ್ಟೆಯೋ....!!
ರ್ರೀ ... ಅದು ಅದು ಪೊ ಪೊ ಪೊ ಪೊಲೀಸ್
ನಿಮ್ಮ ಹೆಸರ ಕೇಳಿ, ಮನೆ ಯಾವುದೆಂದರು
ತೋರಿಸಿ ಜೋರು ನಡೆಗೆಯಲ್ಲಿ ಬಂದೆ;
ನೀವೇನಾದರು ತಪ್ಪು ಮಾಡಿ ಬಂದಿರೋ... ಹೇಗೆ ?
ಒಮ್ಮೊಮ್ಮೆ ಹೊತ್ತುಗೂತ್ತಿಲ್ಲದೆ ಸರಿರಾತ್ರಿಯಲ್ಲಿ ಬರುವಿರಿ ಕೇಳಿದರೆ ಏನೇನೋ ಹೇಳಿ ಬಾಯಿ ಮುಚ್ಚಿಸುವಿರಿ
ಈಗ ನೋಡಿ ಮನೆ ಮಾನ ಮರ್ಯಾದೆ ಎಲ್ಲಾ ಹೋಯ್ತು
ಲೇ ಲೇ.... ನನ್ನದೇನೂ... ತಪ್ಪಿಲ್ಲವೆ ಮಾರಾಯ್ತಿ
ನನ್ನನ್ನೇನು ಕಳ್ಳ, ಕೊಲೆಗಡುಕನೆಂದು ತಿಳಿದೆಯೋ... ಹೇಗೆ ? ಬರಲಿ ಬಿಡು, ಬಂದದ್ದು ನನಗಂತೂ....ಒಳ್ಳೆಯದಾಯ್ತು
ನೀ ಆಗಾಗ ಲಟ್ಟಣಿಗೆಯ ತೋರಿಸಿ, ಗದರಿಸಿ
ಸಾಲದ್ದಕ್ಕೆ ವರದಕ್ಷಿಣೆಯ ಕಿರುಕುಳ, ಲೈಂಗಿಕ ದೌರ್ಜನ್ಯ
ದೂರು ದಾಖಲಿಸುವೆ ಎಂದೆಲ್ಲಾ ... ಹೆದರಿಸುವೆ ವಿಚಾರಣೆಯಾಗಲಿ, ನಿನ್ನ ಸ್ಟೇಷನ್ ಗೆ ಕರೆದೊಯ್ಯಲಿ...
ರ್ರಿ... ನಿಮ್ಮ ಮೇಲಿನ ಪ್ರೀತಿಗೆ ಹಾಗೆ ಮಾಡಿದರೆ
ನನ್ನ ಮೇಲೆಯೇ ಕಂಪ್ಲೇಂಟ್ ಕೊಡುವಿರೋ...
ಎಂದಾದರು ಒಂದು ದಿನವಾದರು ನಾ ಹೊಡೆದಿರುವೆನೆ.... ಆಗಬೇಕಾದದ್ದೆ ನನ್ನ ಈ ಜನ್ಮಕ್ಕೆ ತಕ್ಕ ಶಾಸ್ತಿ
ಅಯ್ಯೋ... ಪೆದ್ದೀ ... ಹೀಗೆ ಹೆದರಿ ಅಳುವೆಯಲ್ಲೇ...
ನಾ ಖಾಕಿ ತೊಡದ ಪೊಲೀಸ್ಸೇ....
ಹ್ಞಾಂ .... ಹೌದೆ...... ಬಂದೆ ತಾಳಿ, ನಿಮಗಿದೆ ಇಂದು
ಲಟ್ಟಣಿಗೆ ಹಿಡಿದು ನನ್ನವಳು ಬರುವುದೆ...!!