Sunday, November 3, 2013

" ಎಣ್ಣೆ "

ರ್ರೀ.............., ಎದ್ದೇಳ್ರಿ ಸಾಕು
ಏನ್ ನಿದ್ದೆ ಮಾಡ್ತೀರೋ ಏನೋ
ವರ್ಷಕ್ಕೊಂದು ದೀಪಾವಳಿ ಹಬ್ಬ;
ಏನ್ ಸಡಗರ ಸಂಭ್ರಮ ಇಂದು
ಗಂಟೆ ಹತ್ತಾದ್ರೂ ಇನ್ನೂ ಬಿದ್ಕೊಂಡಿದ್ದೀರಿ
ಎಣ್ಣೆ ಸ್ನಾನ ಮಾಡುವಿರಂತೆ ಬೇಗ ಏಳ್ರಿ !

ಎಣ್ಣೆ ಹೊಟ್ಟೆಗೋ ಇಲ್ಲಾ ತಲೆಗೋ...
ನಿದ್ದೆಗಣ್ಣಲ್ಲೇ ನನ್ನವಳ ನಾ ಕೇಳಿದ್ದೆ
ಆಹಾ.... ಎಣ್ಣೆಯಂತೆ ಎಣ್ಣೆ, ಯಾವ ಬ್ರಾಂಡೊ? ಸ್ವಾಮಿಗಳು ಕುಡಿಯೋದ್ ಬೇರೆ ಕಲಿತಿದ್ದೀರೋ!
ಏಳ್ರಿ ಮೇಲೆ, ಇವತ್ ಕಾದಿದೆ ನಿಮಗೆ ಹಬ್ಬ;
ಬೇಡ ಬೇಡಾಂದ್ರೂ ಕುಡಿಸ್ತೀನಿ ಹರಳೆಣ್ಣೆ
ಸಂಜೆವರೆಗೂ ಟಾಯ್ಲೇಟಲ್ಲೇ ಇರಬೇಕು
ನಗುತ ತಲೆಗೆ ಮೊಟಕಿದ್ದಳು ನನ್ನವಳು !!

No comments:

Post a Comment