ಹೃದಯ ಹಾಡಿತು

ರ್ರಿ..., ಹೇಳ್ರಿ ಮೇಲೆ
ಕಿವಿ ಕೇಳಸಲ್ವೆ ನಿಮ್ಗೆ,
ಏನ್ ಗಂಡಸರೋ ಏನೋ
ಲೇಡೀಸ್ ಸೀಟಲ್ಲಿ ಕೂರೋದೆ
ನಾಚ್ಕೆ ಹಾಗ್ಬೇಕ್ ನಿಮ್ ಜನ್ಮಕ್ಕೆ;
ವಯಸ್ಸಾದವರಾದ್ರೆ ಪರವಾಗಿಲ್ಲ
ಅದು ನಿಮ್ಮಂತೋರ್ ಕೂತ್ಕೊಳ್ಳೋದೆ
ಹಿಗ್ಗಾ-ಮುಗ್ಗ ಬೈದವಳ ಜನರೇ
ಅಯ್ಯೋ ... ಹೋಗ್ಲಿ ಬಿಡಮ್ಮ ನೀನು,
ಏನೋ ಕಾಲಾಗಲಂತ ಕೂತ್ಕೊಂಡ್ರು
ಕಾಲು ಸರಿಯಿದ್ದಿದ್ದರೆ ನಾವ್ ಬಿಡತ್ತಿದ್ದವೇ

ನನಗೂ ಕೇಳಿ ಮನಸ್ಸಿಗೆ ನೋವಾಗಿ
ಸೇಪ್ಟಿ ಸ್ಟಿಕ್ ಹಿಡಿದು ಕಷ್ಟಪಟ್ಟು ಎದ್ದಿದ್ದೆ;
ದಯವಿಟ್ಟು ಕ್ಷಮಿಸಿ ಮೇಡಂ,
ನಿಲ್ಲಲಾಗದೆ ಈ ರಶ್ ನಲ್ಲಿ ಕೂತೆನೇ ವಿನಃ
ಬೇರೇನೂ ಅಲ್ಲ ಬನ್ನಿ ನೀವೇ ಕುಳಿತು ಕೊಳ್ಳಿ 

ಅರೇ...... ವಿಶ್ವಾಸ್ ಸರ್ ನೀವೇ....,
ಸಾರಿ ಸರ್; ಎಕ್ಸಟ್ರೀಮ್ಲಿ ವೆರಿ ಸಾರಿ
ಈ ನಿಮ್ಮೆಲ್ಲಾ ಕಷ್ಟಕ್ಕೆ ನಾನೇ ಕಾರಣ,
ಕಾಲೇಜ್ ಕ್ಯಾಂಪಾಸಿನಲಿ ಅಂದು
ನಾ ಸ್ಕೂಟಿಯಿಂದ ಗುದ್ದಿದ್ದರ ಪರಿಣಾಮ
ನನ್ನಿಂದಾಗಿ ನಿಮಗೆ ಈ ಸ್ಥಿತಿ ಬಂತು !