ನನ್ನ ಮಗಳೆಂದರೆ
ಮನದಿ ಏನೋ ಹರುಷ
ನವ ಉಲ್ಲಾಸ ಉಕ್ಕಿ ಹರಿವುದು
ಈ ಎದೆಯೊಳಗೆ, ಮನೆಯೊಳಗೆ
ಮಮಕಾರದ ಮಿಡಿತ, ತುಡಿತ
ಕಣ್ಗಳಲಿ ಭರವಸೆಯ ಕೋಲ್ಮಿಂಚು
ನನ್ನದೇ ರಕ್ತ ಮಾಂಸಗಳ
ಹೊತ್ತ ಜೀವಂತ ಗೊಂಬೆ
ಅರೆರ್ರೇ.... ಬಿಟ್ಟ ಕಣ್ಗಳ ಬಿಟ್ಟಂತೆ
ನೀವು ಯಾರೂ ನೋಡದಿರಿ
ಕಾಕ ದೃಷ್ಟಿಯಾದೀತು
ನಳನಳಿಸುವ ಚಂದ್ರವದನ
ಶೀತಲ ಕಿರಣ ನಗೆಯಾಭರಣ
ಹೊಳೆವ ಬಣ್ಣದ ಲಂಗವ ತೊಟ್ಟು
ಗೆಜ್ಜೆ ಕಾಲ್ಗಳಲಿ ನೆರಿಗೆ ಚಿಮ್ಮಿಸುತ
ನಡೆದು ಬರುವ ಅವಳ ದಾರಿಗೆ
ಎಂದೂ ಯಾರೂ ಅಡ್ಡಡ್ಡ ಬರದಿರಿ
ನಾವೆಲ್ಲರೂ ಒಂದೇ ಭಾರತಾಂಬೆಯ ಮುಂದೆ ಮಂಡಿಯೂರಬೇಕು, ದಂಡಿಗೂ ಜೈ ಎನ್ನಬೇಕು
ಭಾಷೆ ಸಂಸ್ಕೃತಿ ನೂರಾರು, ಜಾತಿ ಧರ್ಮ ಹಲವು
ಉಸಿರಾಗಿಹ ಗಾಳಿ, ನಡೆದಾಡುವ ಈ ಭೂಮಿ
ಜೀವ ಬಲವಾಗಿಹ ಜಲ, ಎಲ್ಲರೊಳು ಮೈತಾಳಿ
ನರನಾಡಿಗಳಲ್ಲಿ ಹರಿವ, ಸುರಿವ ನೆತ್ತರೊಂದೇ....
ಮನುಜ ಮನುಜರ ನಡುವೆ
ದ್ವೇಷದ ಕಿಡಿ ಹಚ್ಚುವವರ ಕೊಂದು
ಧರ್ಮ ಧರ್ಮಗಳಲ್ಲಿ ವಿಷ ಬೀಜ ಬಿತ್ತುವವರ
ಸದೆಬಡಿಯೆ ನೀನು ಮತ್ತೊಮ್ಮೆ ಬರಬೇಕು ತಾಯಿ
ದುರುಳ ರಕ್ಕಸರ ರುಂಡ ಮುಂಡಗಳ ಚಂಡಾಡುತ ಅವರಟ್ಟಹಾಸಗಳ ಹುಟ್ಟಡಗಿಸೆ ದಂಡೆತ್ತಿ ಬಾ ತಾಯಿ
ಜಪಿಸೆ ಶಾಂತಿ ಸೌಹಾರ್ಧತೆಯ ಬಾಳ ಮಂತ್ರ
ನಾವೆಲ್ಲರೂ ಎಂದೆಂದಿಗೂ ಒಂದೆನ್ನುವ ತಂತ್ರ
ದಶ ದಿಕ್ಕಿಗೂ ಮೊಳಗಲಿ ನಿನ್ನಯ ಕೀರುತಿ
ಜಯ ಭಾರತಿ ಜಯ ಭಾರತಿ ಜಯ ಭಾರತಿ
ಆ ಹಾ... ಧರೆಗಿಳಿದು ಬಂದ ಮನ್ಮಥ ನೀವು,
ಕನ್ನಡಿಯ ಮುಂದೆ ನಿಂತರೆ ಸಾಕು
ತಾನಾಗಿಯೇ ಕೈ ತಲೆಯ ಮೇಲೆ ಹೋಗುತ್ತೆ
ಹೊತ್ತುಗೊತ್ತಿನ ಪರಿವೆ ಇಲ್ಲದ ನನ್ನ ಗಂಡ
ಆ ಹಾ ನನಗೆ ಹೇಳುವಾಗ ನೋಡಬೇಕು
ಒಂದು ಸೀರೆಯುಡಲು ಗಂಟೆಗಟ್ಟಲೆ ಬೇಕೆನೇ...
ಈಗ ನೋಡಿ... ನಿಮ್ಮ ಪರದಾಟ
ಇರುವ ಒಂದೆರಡು ಕೂದಲುಗಳ
ಅದನ್ನೇನು ಎಳೆದೆಳೆದು ಬಾಚುವಿರೋ...
ಹೊತ್ತಾಯ್ತು ಎದ್ದು ಬನ್ರಿ ಬೇಗ ನಿಮ್ಮ ಬುದ್ಧಿಗೊಂದಿಷ್ಟು ನಿಮ್ಮನ್ನೇನು ಕರೆದು ಯಾರು ತಾಳಿ ಕಟ್ಟಿ ಎನ್ನರು
ನೋಡಿ ಇದೇ... ಮೊದಲು, ಇಂದೇ... ಕೊನೆ
ಕರೆದರೂ ಯಾವುದೇ ಮದುವೆ, ಮುಂಜಿಗೆ
ಜನ್ಮ ದಿನದ ಸಮಾರಂಭಕ್ಕೆ ನಾನಂತೂ ಬರಲಾರೆ
ನನಗೂ... ಸಾಕಾಗಿದೆ ನಿಮ್ಮ ಜೊತೆ ಬಂದು ಬಂದು
ನಮ್ಮಿಬ್ಬರ ನೋಡಿ, ಎಲ್ಲರೂ ನಗುವವರೇ...
ಇವಳೋ... ಉದ್ದ ಜಡೆಯ ಸುಂದರಿ
ಅವನೋ... ತಾಮ್ರದ ತಪ್ಪಲೆಯವ
ಸರಿಯಾಗಿದೆ ಈಡು ಜೋಡು, ಬ್ರಹ್ಮಗಂಟು
ನೋಡಿ ನನ್ನ ಜೊತೆ ಬರದೆ ಮುಂದೆ ಸಾಗಿ
ಇಲ್ಲವಾದರೆ ದೂರದಿಂದಲೇ ಹಿಂಬಾಲಿಸಿ ಬನ್ನಿ
ಗೊತ್ತಾಯ್ತೇ..... ಎನ್ನುವುದೆ ನನ್ನ ಇವಳು!
ಛೇ..... ಹಾಳಾದ್ದು ಈ ಸೊಳ್ಳೆಗಳ ಕಾಟ
ಸಾಲದಕ್ಕೆ ನಿಮ್ಮ ಸರಸದಾಟ ಬೇರೆ,
ನೆಮ್ಮದಿಯಾಗಿ ನಾ ನಿದ್ರಿಸುವಂತಿಲ್ಲ
ಮೊದಲು ಎದ್ದು ಹೋಗಿ All-out ಹಚ್ಚಿ;
ನಿನ್ನದೇನೆ ಈ ಹೊತ್ತಲ್ಲದ ಹೊತ್ತಲ್ಲಿ
ನನ್ನ ಮೇಲೆಯೇ ಜೋರು...?
ನನ್ನನ್ನೇನು ನೀ ಹೇಳಿದಕ್ಕೆಲ್ಲಾ
ಕುಣಿಯುವ ನವಿಲೆಂದು ಕೊಂಡೆಯೋ... ಹೇಗೆ ?
ಮೊದಲೇ... ನನಗೆ ಅದು ಅಲರ್ಜಿ
ಆ ಹೊಗೆ ಕುಡಿದರೆ Mood out ಅಷ್ಟೆ !
ಓಹ್ ಆಗೋ... ಸಮಾಚಾರ
ಆಗಾದರೆ ತೆಪ್ಪಗೆ ಮಲಗಿ ಎನ್ನುವುದೇ....!!
ನಾ ಕವನ ವಾಚಿಸುವಾಗ,
ಅವಳ ಕಣ್ ಸನ್ನೆಯ ಮಿಂಚಿಗೆ
ಒಂಚೂರು ಓದಲಾಗದೆ ಒದ್ದಾಡಿದ್ದೆ ;
ಅವಳ ಕದಪುಗಳು ಕೆಂಪೇರುವುದ ಕಂಡು
ಕಕ್ಕಾಬಿಕ್ಕಿಯಾಗಿ, ಪದಗಳು ತೊದಲಿ
ಮಾತುಗಳೇ..... ಹೊರ ಬರದೆ ಮುಷ್ಕರ ಹೂಡಿ
ನೆರೆದ ಸಭೀಕರಲ್ಲಿ ಗುಸು ಗುಸು
ವ್ಯವಸ್ಥಾಪಕರ ಕಣ್ ಕೆಂಪಿಗೆ
ಹೆದರಿ ಬಾಯಿಯೆಲ್ಲಾ ಒಣಗಿ
ಒಂದಿಷ್ಟು ಕೆಮ್ಮಿ, ನೀರ್ ಕುಡಿದು
ಮಾತುಗಳೇ... ಹೊರ ಬರದಿದ್ದಾಗ
ಯಾಕಾದರು ಎದಿರು ಕುಳಿತಳೋ.....!!
ಈಗಾಗಲೇ ಬೇಕಿತ್ತೆ ಇವಳ ಒಲವು....
ಮುಖ ಸಪ್ಪಗಾಗಿದ್ದ ಕಂಡು
ಕಣ್ಣಲೇ ... ಹುರುದುಂಬಿಸಿ
ಮೋಹಕ ನಗೆಯ ಬೀರಿದ್ದಳು
ನಿರ್ಗಳವಾಗಿ ಹರಿದ ವಾಗ್ಝರಿಯ ಕಂಡು
ನೆರೆದವರೆಲ್ಲರೂ..... ಒಮ್ಮೆಲೇ ದಂಗು
ತಲೆದೂಗಿ,
ಕರತಾಡನದ ಮಳೆಯ ಜೋರು!!
ನೀ ಎಡವಿ ಬಿದ್ದಾಗಲೆಲ್ಲಾ
ನಿನ್ನ ತೋಳಿಡಿದು ಮೇಲೆತ್ತಿ
ಮೈದಡವಿ, ಸಂತೈಸುತ
ನಾ ಬೆರಳಿಡಿದು ಅಡಿಗಡಿಗೆ
ನಿನ್ನ ನಡೆಸಿರುವೆ ಮಗಳೇ....
ಆ ನಿನ್ನ ಪುಟ್ಟ ಎಳೆ ಕಾಲ್ಗಳಲಿ
ನನ್ನೆದೆಯನೇರಿ ನೀ ತುಳಿವಾಗ
ಆ ಮೃದು ಸ್ಪರ್ಶಕೆ ನಕ್ಕಿದ್ದೆ ಮಗಳೇ...
ತೊದಲಿ ತೊದಲಿ ನೀ ನುಡಿವಾಗ
ಕನಲಿ ಕನಲಿ ಬೆದರಿ ನೀ ಅಳುವಾಗ
ನನ್ನೆದೆಗೆ ಅಪ್ಪಿ ನಿನ್ನ ಮುದ್ದಾಡಿದ್ದೆ
ನೀ ಬೆಳೆದಂತೆ ನಿನ್ನಲ್ಲಿ ಆ ನನ್ನ ತಾಯ
ಮಮತೆಯ ರೂಪವ ಕಣ್ತುಂಬ ಕಂಡು
ಅವಳಂತೆ ನೀ ನನ್ನ ಗದರಿಸಿ, ಹೆದರಿಸಿ
ಆದರಿಸುವ ಪರಿಗೆ ನಾ ಧನ್ಯ ಮಗಳೆ....
ನನಗೂ ಇಪ್ಪತ್ತೇಳಾಯ್ತು,
ಹಾಳಾದ್ದು ನೆನಪಿಗೆ ಬರಲೇ ಇಲ್ಲ
ಮಡದಿ ನೆನಪಿಸುವಳೆಂದರೆ
ಅವಳಿಗೂ ನನ್ನಂತೆಯೇ ಮರೆವು;
ನಿಮಗೆ ಗೊತ್ತಿದ್ದರೆ ತಾನೇ ನೀವೂ ವಿಶ್ ಮಾಡುವುದು
ಇನ್ನು ಮುದ್ದಿನ ಮಗಳೋ.....
ನಮ್ಮ ಜೊತೆಯಲ್ಲಿ ಇದ್ದಿದ್ದರೆ ಹಬ್ಬ ಆಚರಿಸುತ್ತಿದ್ದಳು
ಗಂಡನ ಮನೆಯಲ್ಲಿ ಹಾಯಾಗಿ,
ಸುಖ-ಸಂತೋಷದಿಂದ ಇರುವಾಗ
ನಮ್ಮಗಳ ನೆನಪು ಎಲ್ಲಿಂದ ಬರಬೇಕು?
ನಾಲ್ಕರ ಪೋರಿಯೇ ಅವಳಿಗೆ ಎಲ್ಲಾ...
ಇನ್ನೆಲ್ಲಿ ಅಪ್ಪಾ ಅಮ್ಮನಿಗೆ ಶುಭಕೋರುವಳು;
ಎಂತಹ ವಿಪರ್ಯಾಸ ನೋಡಿ
ನಮ್ಮ ವಾರ್ಷಿಕೋತ್ಸವದಂದೇ ಹುಟ್ಟಿದ ಮೊಮ್ಮಗಳು ನೆನಪಿಸಿದ್ದು, ಈ ಅಜ್ಜಾ ಅಜ್ಜಿಗೆ ವಿಶ್ ಮಾಡಿದ್ದು !!
ಒಂದಿರುಳು ನಲ್ಲಾ,
ನಿನಗಾಗಿ ಕಾದೆನಲ್ಲ
ಈಗ ಬರುವೆ, ಆಗ ಬರುವೆ
ಬಿಸಿ ಬೆಲ್ಲ, ರಸಗುಲ್ಲ
ಮಲ್ಲಿಗೆಯ ಮೊಗ್ಗ;
ನೀ ತರುವೆ ಎಂದೆಲ್ಲಾ
ಕಂಗಳಲೇ ನಾ ಕಾತರುಳಾಗಿ
ಕದವಿಕ್ಕದೇ ಎದೆಯುಕ್ಕಿ ಬಂದ
ಅಳು ಅಲೆಗೆ ಅಳುಕದೆ,
ಎದೆ ಚಳಿಗೆ ಮಿಡುಕದೆ
ಕ್ರಿಷ್ಣನಿಗೆ ರಾಧೆಯಂತೆ
ರಾಮನಿಗೆ ಸೀತೆಯಂತೆ
ಈ ಗಿರಿಜೆಗಾಗಿ..... ಓಡೋಡಿ
ನೀ ಬರುವೆಯಲ್ಲಾ....!
ಮಳೆ ಬರುವ
ಹಾಗಿದೆ
ಬೇಗ ಹೋಗಿ,
ಇವೆಲ್ಲವ
ತನ್ನಿ
ನಿಲ್ಲಿ,
ಚೀಲವ
ತಂದು
ಕೊಡುವೆ !
ಒಳ
ಹೋದವಳ
ಕರೆದೆ;
ಹಾಗೆಯೇ
ಕೊಡೆಯ
ತಂದು ಕೊಡೆ,
ಬರಿಗೈಲಿ
ಬಂದವಳ
ಎಲ್ಲಿಯೇ
ಕೊಡೆ
ಬೇಗನೆ
ನೀ ಕೊಡೆ !
ಅಯ್ಯೋ..
ಹೊರಗೆಲ್ಲಾ
ನಾ
ಹಾಗೆಲ್ಲ
ಕೊಡಲಾರೆ
ಬೇಕಿದ್ದರೆ;
ಒಳ ಬನ್ನಿರಿ
ಸಾಕಷ್ಟು ಕೊಡುವೆ !
ಅಯ್ಯೋ
ಪೆದ್ದೀ
ನಾ
ನಿನ್ನ
ಕೇಳಿದ್ದು,
ಹೇಳಿದ್ದು
ಮುತ್ತಲ್ಲ
ಕೊಡೆಯ (ಛತ್ರಿ)!
ಬಡವರಿಗೆ
ಕಡಿಮೆ
ಬೆಲೆಗೆ
ಸರ್ಕಾರದವರು
ಕೊಡಿಸ್ತಾರಂತೆ
ಮದ್ಯ,
ಅದರಲ್ಲಿ
ಅಷ್ಟಕಷ್ಟೇ ಕಿಕ್ಕು!
ಸಿಗುತ್ತಲ್ಲಾ ಸ್ವಾಮೀ
ಐದು ರೂಪಾಯಿಗೆಲ್ಲಾ
ಸೂಪರ್ ಗ್ಲೂ,
ಫೆವಿಕ್ವಿಕ್ಕು;
ಮೂಸಿ ನೋಡಿದರೆ
ಸಾಕಂತೆ,
ಕಿಕ್ಕೋ ಕಿಕ್ಕು!
ಗೊತ್ತಿರಲಿಕ್ಕಿಲ್ಲ
ಪಾಪ ಜನಕ್ಕೆ
ನಶೆ ಉಚಿತ;
ಶ್ವಾಸಕೋಶದ
ರೋಗ ಖಚಿತ !
ನೈಟಿ ಹಾಕೊ ನನ್ನ ಹೆಂಡ್ರೂ
ಕ್ವಾಟರ್ ಬಾಟ್ಲಿ ಇಡಕ್ಕೊಂಡು
ಬ್ಯಾಡ ಬ್ಯಾಡ ಅಂತಂದ್ರೂ
ಗಟಗಟಾಂತ ಕುಡ್ದೇ ಬಿಟ್ಲಪ್ಪೋ
ಏನೇ ಅಮ್ಮಿ, ನಿನಗೇನ್ ಕಮ್ಮಿ
ನೀನೂ ಕುಡಿಯಾಕ್ ಕಲ್ತುಬಿಟ್ರೆ
ಸಂಸಾರ ಮಕ್ಕಳೆಲ್ಲೋಗ್ಬೇಕು
ಅಂತ ಕೇಳಾಕ್ ನಾ ಹೋದರೆ
ದುರ್ಗಿಯಂಗೆ ದುರ್ಗುಟ್ತಾಳಪ್ಪೋ ॥
ಏಯ್ ಬುಡ್ ಬುಡ್ ಮೂದೇವೀ...
ಗಂಡ ಅನ್ಸ್ಕೋಂಡೋನ್ ನಿಂಗೇಯ
ಮನೆ ಮಡದಿ ಮಕ್ಕಳು ಬೇಕಾಗಿಲ್ಲ
ನಾ ಕುಡ್ದರೆ ಎಷ್ಟು, ಸತ್ತರೆ ಎಷ್ಟು
ನಿಂಗೇನ್ ಕಷ್ಟ, ನಿಂಗೇನ್ ನಷ್ಟ
ದುಡ್ದು ತಂದಾಕಂದ್ರೆ, ಕುಡ್ದು ಬತ್ತೀಯ
ಮೈಮುರಿಯಂಗ್ ಹೊಡ್ದು ಜೀವತಿಂತೀಯ ॥
ನಾ ಹೇಗೆ ಹೊಗಳಲಿ
ಓ ನನ್ನ ಮುದ್ದು ಕಂದಾ
ಈ ತಾಯ ಬಾಳಿನಲಿ
ನೀ ತಂದ ಆನಂದದಿಂದ
ನಾನಿಂದು ಜಗಮಾನ್ಯಳಾದೆ
ನಿನ್ನಿಂದ ತಾನೆ ನಾ ಧನ್ಯಳಾದೆ ॥
ಹತ್ತೂರ ಗುಡಿ - ಗೋಪುರ
ನಾ ಸುತ್ತಿ ಹತ್ತಿ ಬಂದರೂ
ಹೆತ್ತೊಡಲ ಕುಡಿ ನುಡಿಗಾಗಿ
ನಾ ಅತ್ತತ್ತು ಮನ ನೊಂದರೂ ॥
ಮುನ್ನೂರ ದೇವರನು
ಶರಣು ಶರಣೆಂದರು
ಮುತ್ತೆತ್ತಿರಾಯ ಮುತ್ತೆತ್ತಿ
ಕೊಟ್ಟಂತೆ ನಿನ್ನಿತ್ತನೋ ॥
ಬರುಡಾದ ನನ್ನ ಬಾಳ ಸಂಜೆಗೆ
ಬೆಳಕಾಗಿ ನೀ ಬಂದೆ ಈ ಬಂಜೆಗೆ
ನಾ ಹೇಗೆ ಮರೆಯಲಿ ನಿನ್ನನ್ನ
ಓ ನನ್ನ ಮುದ್ದು ಕಂದ ಚೇತನ ॥
ನೀ ನಡೆವಾಗ ನೋಡೋಕೆ
ಕಣ್ಣೆರಡೆರಡು ಸಾಲದೋ
ನೀ ತೊದಲು ನುಡಿವಾಗ
ಕೇಳೋಕೆ ಕರ್ಣಾನಂದವೋ ॥
ನೀ ತಬ್ಬಿ ನನ್ನ ಹಿಡಿವಾಗ
ಎದೆಯುಬ್ಬಿ ಬಂತು ಕುಡಿವಾಗ
ಅಮೃತದ ಸಿಹಿ ಸಿಂಚನ
ನೀ ನಕ್ಕಾಗ ಮನ ಮನೆಯು
ಹಾಲ್ಬೆಳದಿಂಗಳ ಬೃಂದಾವನ ॥
ಇಲ್ಲೆ ಎಲ್ಲೋ
ನನ್ನ ನಲ್ಲೆ
ಹೃದಯ ಬಿಚ್ಚಿ
ಪ್ರೀತಿಯ ಹಚ್ಚಿ
ಮಾಯವಾದಳು
ಹೇಳದೇನೆ
ಕೇಳದೇನೆ
ಈ ಮನಸ್ಸು
ಕದ್ದು ಹೋದಳು
ಇಲ್ಲೆ ಎಲ್ಲೋ
ನನ್ನ ನಲ್ಲೇ
ಕಂಡು ಕಾಣದಾಗೆ
ಬಂದು ಹೋದಳು
ಹೃದಯದೊಳಗೆ
ನೂರು ಆಸೆಯ
ತೇರನೆಳೆದು
ಪ್ರೀತಿ ಭಿತ್ತಿ ಹೋದಳು
ಸಿದ್ಧಿ ವಿನಾಯಕ
ಬುದ್ಧಿ ಪ್ರಧಾಯಕ
ವಿಜ್ಞೇಶ್ವರ ನಮೋಸ್ತುತೆ !
ಧುರಿತ ನಿವಾರಕ
ಅಗ್ರ ಪೂಜಕ
ಸರ್ವೇಶ್ವರ ನಮೋಸ್ತುತೆ !
