Thursday, March 21, 2013

" ಓಂ ನಮಃ ಶಿವಾಯ "

ನಿನ್ನ ಹಾಡಿ ಕೊಂಡಾಡದ
ಈ ದೇಹವೇಕಯ್ಯ
ನಿನ್ನ ನೋಡಿ ಪೂಜಿಸದ
ಈ ಕೈಗಳೇಕಯ್ಯ
ಹೊಲಸು ಸಂಸಾರಕ್ಕೆ ಬಿದ್ದು
ಮನಸ್ಸು ಮತ್ಸರವಾ ಮೆದ್ದು
ಮಾಡ ಬಾರದ್ದನ್ನೆಲ್ಲವ ಮಾಡಿದೆ
ಕಾಡ ಬಾರದವರೆನ್ನೆಲ್ಲರ ಕಾಡಿದೆ
ಉಪವಾಸವು ಇಂದೆಂದೇಳಿ
ಉಪ್ಪಿಟ್ಟು ಒಂದಂಡೆ ಉಂಡೆ
ಜಾಗರಣೆಯು  ಇಂದೆಂದೇಳಿ
ಜೂಜು ಅಡ್ಡೆಗೆ ಹೋಗಿ ನಿಂತೆ
ಕೈಲಾಸದಿಂದ ಎದ್ದು ನೀ ಬಾರಯ್ಯ
ಮೈಮನಸ್ಸಿಗೆ ಮದ್ದು ನೀ ನೀಡಯ್ಯ
ಶಿವ ನಿನ್ನ ನಾಮವೇ ನನ್ನುಸಿರಾಗಲಿ
ಹರ ನಿನ್ನ ಸೇವೆಯೇ ನನ್ನ ಬದುಕಾಗಲಿ
ಓಂ ನಮಃ ಶಿವಾಯ
ಶಿವರಾತ್ರಿಯ ಹಬ್ಬಕ್ಕೆ ಬರೆದದ್ದು

No comments:

Post a Comment