ಕ್ವಾಟರ್ ಬಾಟ್ಲು

ನೈಟಿ ಹಾಕೊ ನನ್ನ ಹೆಂಡ್ರೂ
ಕ್ವಾಟರ್ ಬಾಟ್ಲಿ ಇಡಕ್ಕೊಂಡು
ಬ್ಯಾಡ ಬ್ಯಾಡ ಅಂತಂದ್ರೂ
ಗಟಗಟಾಂತ ಕುಡ್ದೇ ಬಿಟ್ಲಪ್ಪೋ
ಏನೇ ಅಮ್ಮಿ, ನಿನಗೇನ್ ಕಮ್ಮಿ
ನೀನೂ ಕುಡಿಯಾಕ್ ಕಲ್ತುಬಿಟ್ರೆ
ಸಂಸಾರ ಮಕ್ಕಳೆಲ್ಲೋಗ್ಬೇಕು
ಅಂತ ಕೇಳಾಕ್ ನಾ ಹೋದರೆ
ದುರ್ಗಿಯಂಗೆ ದುರ್ಗುಟ್ತಾಳಪ್ಪೋ ॥

ಏಯ್ ಬುಡ್ ಬುಡ್ ಮೂದೇವೀ...
ಗಂಡ ಅನ್ಸ್ಕೋಂಡೋನ್ ನಿಂಗೇಯ
ಮನೆ ಮಡದಿ ಮಕ್ಕಳು ಬೇಕಾಗಿಲ್ಲ
ನಾ ಕುಡ್ದರೆ ಎಷ್ಟು, ಸತ್ತರೆ ಎಷ್ಟು
ನಿಂಗೇನ್ ಕಷ್ಟ, ನಿಂಗೇನ್ ನಷ್ಟ
ದುಡ್ದು ತಂದಾಕಂದ್ರೆ, ಕುಡ್ದು ಬತ್ತೀಯ
ಮೈಮುರಿಯಂಗ್ ಹೊಡ್ದು ಜೀವತಿಂತೀಯ ॥