ನೀ ಹಿಂಗ ನೋಡ ಬ್ಯಾಡ ನನ್ನಾ .....

ನೀ ಹಿಂಗ ಮತ್ತಮತ್ತ ತಿರುತಿರುಗಿ
ನನ್ನ ನೋಡ ಬ್ಯಾಡವೇ ಹುಡುಗಿ
ಈ ಮನಸು ಹುಚ್ಚೆದ್ದು ಕುಣಿವ ಕುದುರಿ !

ನೀ ಹಿಂಗ ನಕ್ಕರೆ ಎದೆಯೊಗಳ ಸಕ್ಕರೆ
ಹಾಲುಕ್ಕಿ ಗಮ್ಮೆನ್ನೊ ಪರಿಮಳ ಚದುರಿ
ಮತ್ತೇರಿ ಮನ, ಸೆರೆ ಕುಡಿದ ಮಂಗನ ರೀತಿ !

ನೀ ಮುನಿಸು ಬೀರಿ, ಬಿರಬಿರನೆ ನಡೆವಾಗ
ತನು ಅವಲಕ್ಕಿ ಕುಟ್ಟಿದಾಂಗ ಹಾಗತೈತಿ
ನೀ ಗಕ್ಕನೆ ನಿಂತಾಗ ಮೈಚಳಿ ಬರುತೈತಿ !

ನೀ ಹಿಂಗ ಕಾಡಲು ಕನಸಾಗ ಬೆಚ್ಚಿ ಬೀಳುವೆ
ನಿದಿರೆ ತೊರೆದು, ನಾ ನಿನ್ನ ನೆನಪಲ್ಲಿ ಬಳಲುವೆ
ಉಸಿರೆ ನಿಂತರು, ನಿನ್ನ ಧ್ಯಾನದಲ್ಲೇ ನಾ ಮಡಿವೆ !