ಎದೆ ತುಂಬಿ ಬಂತು
ಆ ನಿನ್ನ ನೆನಪು,
ಮತ್ತೆ ಮತ್ತೆ
ಬಂದೆನ್ನ ಕಾಡುವುದು;
ನಿನ್ನ ಹುಚ್ಚು ಪ್ರೀತಿಯ
ಮಳೆಗೆ ಕೊಚ್ಚಿ
ಹೋಗಿಹೆನಿಂದು,
ನಾ ಕಣ್ಮುಚ್ಚಿ ಕುಳಿತರೂ
ಆ ನಿನ್ನ ನಗೆಯ
ಪ್ರತಿರೂಪದ ಬಿಂಬ;
ಬಂದೆನ್ನ ಕಾಡುತಿಹದು
ಹೇಗೆ ಹೇಳಲಿ ಹೇಳು
ಈ ಹೃದಯ ಬಗೆದಗೆದು
ತೋರಲೆ ನಿನಗಿಂದು,
ನಿನ್ನ ನಾ ಮೆಚ್ಚಿಸಲು
ಬೆಟ್ಟ ಹತ್ತಿ ನಾ ಇಳಿಯಲೇ
ನಿನ್ನ ಹೊತ್ತೆತ್ತು ತಿರುಗಲೇ
ಮುತ್ತಿತ್ತು ಹೋದವಳು;
ಹೊತ್ತು ಮೀರಿ
ಬರಬಹುದೆಂದು
ಗೊತ್ತು ಗುರಿಯಿಲ್ಲದೆ
ನಾ ನಿದ್ದೆ ಮಾಡದೆ ಕಾದೆನು !
No comments:
Post a Comment