ಬೆಳ್ಳಂ ಬೆಳಿಗ್ಗೆಯೇ.....
ಬುಡು ಬುಡುಕೆಯವನು
ಮನೆ ಮುಂದೆ ಬಂದು
ಬಾಯ್ ಬಡಕ್ಕೋತ್ತಿದ್ದ
ಬಿಟ್ ಬಿಡಿ, ಬಿಟ್ ಬಿಡಿ
ಬರೆಯೋದೆಲ್ಲಾ ನೀವ್
ಈಗ್ಲಿಂದಲೇ ಬಿಟ್ ಬಿಡಿ
ಇಲ್ಲಾಂದ್ರೆ ತಲೆಯಲ್ಲಾ
ಕೆರಕ್ಕೊಳ್ಳಕ್ಕೂ ಕೂದ್ಲು
ಇನ್ಮುಂದೆ ಇರೊಂಗಿಲ್ಲ !
ನನ್ಗೆ ಮೈಯೆಲ್ಲಾ ಕೋಪ
ನೆತ್ತಿಗೇರಿ, ಕುತ್ಗೆ ಹಿಡಿದು
ಏಯ್ ಬುಡ್ ಬುಡ್ಕೇನೇ
ಸಾಕ್ ನಿಲ್ಸಯ್ಯ, ನಿನ್ನ ವರಸೆ
ಏನೋ ಅಲ್ಲೊಂದಿಲ್ಲೊಂದು
ನನ್ನ ಇಷ್ಟಕ್ಕೆ ಬರ್ಕೋತೀನಿ
ನನ್ನ ಮನೆ ಮುಂದೆ ಬಂದು
ಬುಟ್ ಬುಡಿ ಅಂತೇಳಕ್ಕೆ
ನಿನಗೆಷ್ಟು ಧೈರ್ಯನಯ್ಯ
ನೀನ್ ಯಾವೂರ್ ದಾಸಯ್ಯ
ಹೋಗಯ್ಯ ಇಲ್ಲಿಂದ ಎಂದು
ನನ್ನವಳ ಹಾಸಿಗೆಯಿಂದ ಕೆಳಕ್ಕೆ
ತಳ್ಳುತ್ತಿದ್ದೆ, ನನ್ನವಳು ಕೋಪದಿಂದ
ರ್ರೀ.. ಹೇಳ್ರೀ ಬೆಳಗಾಯ್ತು, ಏನ್
ಕನಸ್ಸ್ ಕಾಣ್ತೀರೋ.... ಏನೋ..
ಎದ್ದೋಗಿ ರಾಶಿ ಬಿದ್ದಿರೊ ಪಾತ್ರೆ ತೊಳ್ದು,
ಕಾಫೀ ತಗೊಂಡ್ ಬೇಗ್ ಬನ್ರೀ.. !!
No comments:
Post a Comment