ಸವಿ ಸವಿ ನೆನಪು

ಸತ್ಯಭಾಮಾ ಎಲ್ಲಿ....
ಆ... ಮಾಡು ಹಾಗೆ ...
ಏನ್ರೀ... ಇದೆಲ್ಲಾ ಈ ...
ವಯಸ್ಸಲ್ಲಿ, ಈ ಸಿಹಿ
ಮಲ್ಲಿಗೆಯ ಹೂ ಮಾಲೆ;
ಜರತಾರಿ ರೇಷ್ಮೇ ಸೀರೆ !
ಅಯ್ಯೋ ಪೆದ್ದೀ ನನಗೆ
ಪ್ರಮೋಶನ್ ಇಲ್ಲ
ಮಣ್ಣಂಗಟ್ಟೀಯೂ ಇಲ್ಲ
ಹಾ ಆಹಾ ನಾಚಿಕೆ ನೋಡು,
ನೆನಪು ಮಾಡಿಕೊಳ್ಳೇ
ಮರೆತೆಯೋ ಹೇಗೆ ಬೇಡದ
ಧಾರಾವಾಹಿಗಳ ಕತೆಗಳೆಲ್ಲವ
ಚಾಚೂ ತಪ್ಪದೆ
ಕಣ್ಣಿಗೆ ಕಟ್ಟುವ ಹಾಗೆ ಹೇಳುವೆ;
ಬಂದಳು ನೋಡು, ಮಗಳು
ನಿನ್ನ ಮೊಮ್ಮಗಳು ಈಗಲಾದರೂ
ಉಂ ಬಂತು ಬಿಡು, ಮೊಮ್ಮಗಳ
ಹುಟ್ಟಿದ ದಿನದ ಹಬ್ಬ,
ಅಯ್ಯೋ ಪೆದ್ದೀ ನನ್ನಾ ನಿನ್ನ
ಮದುವೆಯ ಇಪ್ಪತ್ತಾರರ
ವಾರ್ಷಿಕೋತ್ಸವ
ಈಗ ನೆನಪಿಗೆ ಬಂತೋ ಹೇಗೆ !