Wednesday, August 21, 2013

ನಿದ್ರಾಭಂಗ

ನಿನ್ನ ಮಗನಿಂದಾಗಿ
ನಾ ನೆಮ್ಮದಿಯಿಂದ
ನಿದ್ರಿಸುವಂತಿಲ್ಲ ಕಿಶೋರಿ,
ಅವನಿಗೂ ವಯಸ್ಸು
ಇನ್ನೇನು ನಾಲ್ಕಾಯ್ತು,
ನನ್ನಮ್ಮನ ಬಳಿ ಮಲಗಿಸು
ನೀ ಬಂದು ಹಾಗೆಯೇ,
ಆ ತೆರೆಯ ಪಕ್ಕಕೆ ಸರಿಸು
ನನ್ನವಳು ನಕ್ಕಿದ್ದಳು;
ಆ ಹಾ ಚಪಲ ಚೆನ್ನಿಗರಾಯರು
ಅಯ್ಯೋ ಪೆದ್ದೀ ಅದಕ್ಕಲ್ಲವೇ
ತಾಯೀ ಮಗ ಇಬ್ಬರೂ ಸೇರಿ,
ಹಗಲೆಲ್ಲಾ ಚೆನ್ನಾಗಿ ನಿದ್ರಿಸಿ
ರಾತ್ರಿಯೆಲ್ಲಾ ಅವನಿಗೆ,
ನೀತಿ ಕತೆಗಳ ಹೇಳಿ ಹೇಳಿ
ನೀ ಮುದ್ದು ಮಾಡಿ ಕೆಡಿಸಿರುವೆ;
ನಾ ನಿದ್ರಿಸುವುದಾದರೂ ಹೇಗೆ
ಸಾಲದಕ್ಕೆ ಆಗಾಗ,
ಅವನ ಒದ್ದಾಟ ಬೇರೆ
ಮಧ್ಯ ಮಧ್ಯದಲಿ;
ಅವನ ಸಂತೈಸುವಿಕೆಯಲಿ
ನಿನ್ನ ಲಾಲಿಯ ಹಾಡು ಬೇರೆ,
ಕೇಳಿ ಕೇಳಿ ನನಗೂ ಸಾಕಾಗಿದೆ
ನಿಮ್ಮಿಬ್ಬರ ಸಹವಾಸ ದೋಷದಿಂದ
ದಿನ ರಾತ್ರಿ ನನಗೆ ನಿದ್ರಾಭಂಗ ॥

No comments:

Post a Comment